“Оддын дайн: Хүчин сэрэв” кино сайн үнэлгээ авчээ
ДЭЛХИЙН МЭДЭЭ | СОЁЛ УРЛАГЛОНДОН. /BBC/. “Оддын дайн” киноны “Хүчин сэрэв” шинэ цувралыг “сонгодог”, “ялалт” гэх зэргээр дүрслэн сайшаажээ.
Их Британийн хэвлэлүүд киног 5 таван хошуугаар үнэлж сайшаав.
“Нулимс унагам танил мэдрэмжийг насанд хүрэгчид мэдэрнэ, үнэхээр сонгодог” гэж “The Times”-ийн шүүмжлэгч Кейт Мюур бичжээ.
“Миний хэлж чадах зүйл гэвэл, инээд, тулаан, драм, хайр сэтгэлээр дүүрэн энэ кино 1977 онд хийгдсэн “Оддын дайн”-ы 4 дүгээр анги “Шинэ найдвар”-ын ид шидийн дурсамжийг сэргээнэ” гэж “The Daily Mirror”-ийн Жон Хискок бичив.
“Одоогоор хийгдсэн “Оддын дайн”-ы цувралуудын хамгийн шилдэг нь “Хүчин сэрэв” кино. Хамгийн түрүүнд хийгдсэн байсан ч “Хүчин сэрэв”-ийн амжилтыг аль ч цуврал нь эвдэж чадахгүй” гэж кинонд 4 таван хошуу өгсөн, “Independent” сонины Кристофер Хутон бичсэн байна.
Кинонд 5 таван хошуу өгсөн “The Guardian”-ий Питер Брэдшоу хэлэхдээ “Энэ кино шог, уянгын драмтай бөгөөд сэтгэл хөдлөл, эрч хүчээр дүүрэн” гэсэн байна.
“Хүчин эргэн ирлээ. Маш сүртэйгээр. “Оддын дайн”-ы шилдэг цуврал та бүхний хуучин баяр баясгаланг сэргээхийн сацуу шинэ эхлэлийг амласан бүтээл болжээ” гэж “The Hollywood Reporter”-ийн Тодд Маккарти санаа бодлоо илэрхийлжээ.
Х.Аминаа