Баянхонгорт төрөлт нэмэгджээ
ОРОН НУТГИЙН МЭДЭЭ | БАЯНХОНГОРБаянхонгор аймгийн хэмжээнд сүүлийн жилүүдэд төрөлтийн тоо тодорхой хувиар нэмэгджээ. Нийт төрсөн эхийн 80 гаруй хувь нь аймгийн Нэгдсэн эмнэлэгт бусад нь сумын эмнэлэгт төрсөн байна.
Мөн сүүлийн 3 жил дараалан нялхсын эндэгдлийн түвшин буурч, халдварт А гепатитын тохиолдол сүүлийн 2 жилд бүртгэгдээгүй байна. Харин бүх нийтийн урьдчилан сэргийлэх үзлэг зохион байгуулсантай холбоотой сүүлийн үед бүртгэгдсэн нийт халдварт өвчний дотор БЗДХ-ийн хувь ихэссэн дүнтэй гарчээ.
Осол гэмтлийн өвчлөл 10.000 хүн амд эрэгтэйчүүд, эмэгтэйчүүдээс 4 дахин илүү өртөж, бүртгэгдсэн осол гэмтэлд 10-49 насны хүн ам дийлэнх нь өртөж байна. Хорт хавдрын эрт үедээ оношлогдсон хавдрын хувь 30.9 хувь болж өссөн бөгөөд хавдрын өвчлөлийн тэргүүлэх шалтгаанд элэгний хорт хавдар орж байгаа аж.
Б.Мөнхзул