Монгол залуу Туркэд дээрэм, хүчингийн хэргээр баривчлагджээ

ИСТАНБУЛ. /dailysabah/. Энэ сарын 23-нд Туркийн Истанбул хотын Шишли дүүрэгт 22 настай эмэгтэйн гар утсыг дээрэмдэж, хүчирхийлсэн хэрэг гарчээ. Энэ хэрэгт холбогдуулан Монголын иргэн, 32 настай Э. Т гэгчийг тус хотын цагдаа нар баривчилсан байна.

Хохирогч А.Ш нь турк гаралтай Германы иргэн бөгөөд Туркэд оюутан солилцоогоор иржээ. Истанбул хотын Шишли дүүрэг дэх оюутны дотуур байр руугаа орой харьж явахад нь сэжигтэн этгээд хохирогчийн гар утсыг булаахыг завджээ.

Албаны хүмүүс хэлэхдээ “хохирогч эсэргүүцэл үзүүлэхэд сэжигтэн түүнийг чирч яваад, дөрвөн давхар сүмийн хана руу түлхсэн байна. Дараа нь сэжигтэн түүнийг сүмийн хашаан дахь саравч руу аваачиж, хүчиндсэн” гэв. Залуу бүсгүй хэвлийн тус газраа гэмтэл авчээ. Сэжигтэн хэрэг болсон газраас холгүй амьдардаг болохыг хяналтын камерын тусламжтайгаар олж тогтоосон байна. /2016.12.27/

/http://www.dailysabah.com/investigations/2016/12/28/mongolian-tourist-ch...

Г.Доржханд