Ulaanbaatar
Өмнөговийн аймгийн сумдууд гал унтраах усны хөөрөгтэй болж эхэллээ
ОРОН НУТГИЙН МЭДЭЭ | ӨМНӨГОВЬГамшгийн эрсдлийг бууруулах төслийн хүрээнд аймгийн ОБГ-т УЗХ-ноос гал унтраах усны хөөрөгийг бэлэглэлээ. Өнгөрсөн 1-р сард аймгийн ОБГ-аас энэхүү гал унтраах хөөрөгний төслийг бичиж, аймгийн Засаг даргад хүргүүлсэн ч хариу өгөлгүй өнөөг хүрсэн байна.
Тэгвэл аймгийн УЗХ-ноос уг санал санаачилгыг дэмжин авч явахад хялбар, 1 тонны багтаамжтай, чиргүүлтэй хөөрөгийг өөрсдийн гараар хийж ийнхүү өнөөдөр тус газрын алба хаагчдад хүлээлгэн өглөө. Ернь МУЗН нь олон улсын УЗХолбоотой болон Австралийн УЗХ-той хамтран “Олон нийтэд тулгуурласан гамшгийн эрсдлийг бууруулах” төслийг энэ жилийн хувьд хэрэгжүүлж байгаа юм. Ингээд уг төслийг хэрэгжүүлж буй аймгийн нэг нь Өмнөговь бөгөөд өмнө нь хийсэн судалгаагаар тус аймагт гал түймрийн аюул өндөр гэж гарчээ. Улмаар алслагдсан энэ бүс нутагт олон нийтийн оролцоотой гал унтраах баг байгуулж өгөхшийдлийн хүрээнд шаардлагатай байгаа техник хэрэгслийг ийн шийдэж өгч байгаа юм байна. Энэ усны хөөрөг нь түймрийн үед өвлийнд улаалгатай 2 гэрийг бүрэн унтрааж чадах хүчин чадалтай бөгөөд 1 тоннусыг 6 минут 10 секундын дотор гаргадаг аж. Хөдөө суманд гал гарлаа гэхэд сумын ард иргэд савтай ус бариад гүйдэг байсан бол тодорхой сургалтаар гал унтраах баг бэлдэн эхний ээлжинд Номгон сумынхан энэхүү гал унтраах усны хөөрөгийг хүлээн авч байна. Цаашид бүх сумдаа хангана гэж төслийн багийнхан ярилаа.
Өмнөговь аймаг С.Сумьяа
コメント