Уран нугаралтын дугуйлан хичээллэнэ

ОРОН НУТГИЙН МЭДЭЭ | ДУНДГОВЬ
sarantsetseg@montsame.gov.mn
2015-09-15 13:49:30

Энэ хичээлийн жилд Дундговь аймгийн “Тэнгэрийн тэмдэг” хүүхдийн театр уран нугаралтын дугуйлан хичээллүүлэх гэж байгаа нь хүүхэд,эцэг эхчүүдийн сонирхлыг татаж байна. 

Тус театр хүүхдийн авъяасыг хөгжүүлэх дугуйлангийнхаа тоог нэмэгдүүлэн, шинээр уран нугаралт, цахилгаан хөгжим, бөмбөрийн дугуйланг  нээж, нийт арав хол илүү дугуйланд хүүхдүүдийг бүртгэж эхэлжээ. Эдгээрээс урьд нь тус аймагт байгаагүй цоо шинэ дугуйлан болж байгаагаар уран нугаралтын дугуйланг эцэг эхчүүд ийнхүү сонирхож, хүүхдээ шалгуулж байна. 5- 7 насны хүүхэд тус дугуйланд суралцах бөгөөд шалгалтад одоогоор 4 хүүхэд тэнцээд байгааг театрын захирал А. Ууганбаяр хэллээ.  
Энэ дугуйланг Эрдэнэт хотоос урьж авчирсан багш хичээллүүлэх бөгөөд бусдаас онцлогтой тул дугуйлангийн хичээллэх орчин нөхцөлийг бүрдүүлж, арваас хэтрэхгүй хүүхэд сургана гэлээ. 

Т. Отгонтуяа

関連ニュース
コメント