Ulaanbaatar
Нийслэлийн Тээврийн газрын дүрмийн төслийг шинэчилнэ
МОНГОЛЫН МЭДЭЭ | НИЙГЭМ
Хотын дарга Нийтийн тээвэрт цахим төлбөрийн систем нэвтэрсэнтэй холбогдуулан 8 дугаар сарын 15-наас хойшхи шугам цагийн ажлын гүйцэтгэлийг бүртгэлийн /GPS/ системээр тооцон өдөр тутмын шугамын орлогыг гүйцэтгэлийг үндэслэн үйлчилгээ эрхлэгч аж ахуйн нэгж, байгууллагуудад хуваарилахыг Улаанбаатар смарт карт ХХК-д үүрэг өглөө.
Дээрх ажилтай холбогдуулан 9 дүгээр сарын 10-наар тасалбар болгон нийтийн тээврийн үйлчилгээнд одоогийн ашиглаж буй удирдлагын автомат системийн бүрдэл тоног төхөөрөмжийг унтрааж, их чадлын болон дахин дамжуулах станцыг татан буулгаж, холбогдох хөрөнгийг данснаас хасах ажлыг ирэх сарын 15-ны өдрийн дотор зохион байгуулахыг нийслэлийн Тээврийн газар, Өмчийн харилцааны газарт даалгав. Нийтийн тээврийн үйлчилгээний удирдлагын автомат систем татан буугдах болсонтой холбогдуулан нийслэлийн Тээврийн газрын дүрмийн төслийг шинэчлэн боловсруулж, нийслэлийн Удирдлагын зөвлөлийн хурлаар хэлэлцүүлэхийг Тээврийн газарт үүрэгджээ.
コメント