Улаанбаатар
Олон зуун босогч бууж өгчээ
ДЭЛХИЙН МЭДЭЭ | НИЙГЭМ
ИСЛАМАБАД. /Синьхуа/. Мягмар гарагт Пакистан улсын засгийн газрын эсрэг
бүлгүүдийн олон зуун босогч засаг захиргаанд зэр зэвсгээ хураалган, бууж өгснөө
мэдэгдсэн тухай тус улсын олон нийтийн мэдээллийн хэрэгслүүд мэдээлэв.
“Манай улсын баруун өмнөд нутгийн Балучистан мужийн нийслэл Кветта
хотод 265 босогч бууж өгсөн ба эх орныхоо хөгжил цэцэглэлтийн төлөө нийт улсын хэмжээнд бүх босогчид бууж өгөх
хэрэгтэй” гэж засаг захиргааны төлөөлөгч мэдэгдсэн байна.
“Тэдгээр босогчид хүчирхийлэл үйлдэхээс татгалзаж, улс орондоо энх тайвныг
цогцлоож, хөгжил дэвшилд хувь нэмрээ оруулахаа тангарагласан” гэж хэвлэл
мэдээллийн хэрэгслүүд тэмдэглэжээ.
Босогчид бууж өгсөн нь Балучистан мужид 2015 онд эхэлсэн Терроризмын эсрэг хөтөлбөр биеллээ олж буйн илрэл болсон бөгөөд тухайн цагаас хойш нийт 2000 гаруй босогч бууж өгсөн аж.
Э.Хулан
