Баян-Өлгий аймгийн ИТХ элэг бүтэн боллоо
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Баян-Өлгий аймгийн ИТХ-ын ээлжит VI хуралдаан өнөөдөр
болж байгаа юм. Хуралдаанаар өнгөрөгч
зургадугаар сарын 24-ний өдөр Алтанцөгц сумд болсон аймгийн Иргэдийн Төлөөлөгчдийн
Хурлын нөхөн сонгуульд МАН-аас нэр дэвшин олонхийн саналаар ялалт байгуулсан Б.Гүлнарын
бүрэн эрхийг хүлээн зөвшөөрөв.
Түүнд аймгийн ИТХ-ын дарга Д.Бауыржан, Засаг дарга А.Гылымхан нар төлөөлөгчийн үнэмлэх, энгэрийн тэмдэг
гардуулж баяр хүргэлээ.
Баян-Өлгий аймгийн ИТХ нь нийт 39 мандаттай бөгөөд 2017 онд нэг төлөөлөгч өвчний улмаас хорвоогийн мөнх бусыг үзүүлж, 38 төлөөлөгчтэйгээр ажиллаж байсан юм. Харин өнөөдрөөс /МАН-23, АН-16/ үйл ажиллагаа явуулах боломжтой болж байна.