"Азийн пара наадам-2018" хаалтаа хийлээ

Дэлхийн мэдээ | Спорт
nyamtulga@montsame.gov.mn
2018-10-14 12:21:26
twitter.com/Nyamkanmk

ЖАКАРТА. /NHK/. Азийн гуравдугаар пара наадмын хаалтын ажиллагаа өчигдөр Индонезийн нийслэл Жакарта хотод боллоо.


Уг наадамд 43 орон, газар нутгийн 3000 орчим тамирчин оролцсон нь ийм төрлийн наадамдаа хамгийн өргөн хүрээтэйд тооцогдож байна. Тамирчид спортын 18 төрлөөр найман өдрийн турш өрсөлджээ.


Наадмын хаалтын ажиллагааны төгсгөлд Азийн пара наадмын далбааг 2022 онд уг наадмыг зохион байгуулах БНХАУ-ын Ханжоу хотын төлөөлөгчид шилжүүлэн өгсөн байна.


Монгол Улс энэхүү наадмаас 1 алт, 1 мөнгө, 3 хүрэл, нийт 5 медаль хүртсэн амжилт үзүүлжээ.

Холбоотой мэдээ