Орхон аймагт үерийн эрсдлийг бууруулах 33.7 км далан шаардлагатай

Орон нутагт | Орхон
orkhon@montsame.mn
2018-10-15 12:31:09
oyuka_hu@yahoo.com

Орхон/МОНЦАМЭ/ Орхон аймагт тохиолдох гамшгийн эрсдэл буюу үер, ган, зудын талаар мэргэжлийн байгууллагууд үнэлгээ хийжээ.

Тухайлбал, 2012-2018 онд Орхон аймагт нийт 10 удаа үер болж үүний улмаас  найман хүн нас барж нэг хүн гэмтэж 55.4 тэрбум төгрөгийн хохирол учирчээ.

Иймд үерийн далан, суваг, шуудуу барьж эрсдэлд ойрхон байгаа айл, өрхөнд анхааруулга зөвлөмж хүргүүлэх, Орхон аймагт нэн шаардлагатай байгаа 33.7 км үерийн даланг барих, барилгаажгүй газрыг хамгаалах хэрэгтэй гэсэн саналыг ОБГ-аас гаргажээ.

Харин ган, зудын эрсдлийг тооцоход, сүүлийн арван жилийн хугацаанд Орхон аймагт нойтон цас орох, цасан болон шороон шуурга, мөндөр, хүйтэн бороо орох давтамж нь нэмэгджээ. Энэ нь хөдөө аж ахуйн салбарт ихээхэн хүндрэл учруулдаг байна. Иймд хөдөө аж ахуйн салбарт онцгой анхаарах хэрэгтэй гэж мэргэжлийн байгууллагууд аймгийн Засаг даргад танилцууллаа.

Б.Оюун-Эрдэнэ 

Холбоотой мэдээ