Иргэдийн банкны картын туузан мэдээллийг хуулбарлан АТМ-аас мөнгө авдаг этгээдүүдийг илрүүлэв

МОНГОЛЫН МЭДЭЭ | ХУУЛЬ
munkhbaatar@montsame.gov.mn
2018-10-16 16:54:47
@s_munkhbaatar

Улаанбаатар /МОНЦАМЭ/.Кибер гэмт хэрэгтэй тэмцэх хэлтэс иргэдийн банкны картын туузан мэдээллийг тусгай төхөөрөмжөөр хуулбарлан бэлэн мөнгөний машин /АТМ/-аас мөнгө гаргаж авдаг рестораны зөөгчдийг илрүүлэн шалгаж байна.

Тус хэлтэст “Өөрөө ямар ч гүйлгээ хийгээгүй байхад банкны данснаас зарлага гараад байна” гэх мэдээлэл иргэдээс иржээ. Энэ дагуу мөрдөн шалгах ажиллагаа явуулж дээрх хэргийг үйлдсэн Н, Э нарыг сэжигтнээр татав.

Тэд Улаанбаатар хотын төвд байрлах ресторануудад үйлчлэгч, зөөгчөөр ажилд орж үйлчилгээний төлбөрөө банкны картаар хийсэн нийт 16 иргэний картын мэдээллийг хуулбарлан ашигласан болохыг тогтоон шалгаж байна.

Холбоотой мэдээ