Д.Цогтбаатар сайд "Валдайн 15 дугаар бага хурал"-д илтгэл тавив

МОНГОЛЫН МЭДЭЭ | ГХЯ-НЫ МЭДЭЭ
ariunbold@montsame.gov.mn
2018-10-17 12:52:59

Улаанбаатар /МОНЦАМЭ/. Энэ оны 10 дугаар сарын 15-18-ны өдрүүдэд ОХУ-ын Сочи хотод зохион байгуулагдаж буй  “Валдайн 15 дугаар бага хурал"-д Гадаад харилцааны сайд Д.Цогтбаатар оролцож “Евраз: Ирээдүй рүү хөтлөх зам” илтгэл тавив.

Олон улсын “Валдай” клуб нь дэлхийн өмнө тулгарч буй олон улсын харилцаа, улс төр, эдийн засаг, аюулгүй байдлын өргөн хүрээтэй асуудлаар яриа, хэлэлцүүлэг өрнүүлж, 21 дүгээр зуунд олон улсын харилцаа, ямар өнгө төрхтэй хөгжих төлөвийг тодорхойлоход ач холбогдол өгдөг онцлогтой.

Уг арга хэмжээ 2004 оноос эхэлж тогтмолжсон бөгөөд энэ удаагийн хурал “Орос орон: ХХI зууны хөтөлбөр“ сэдвээр болж байна.

Хуралд ОХУ-ын гүйцэтгэх болон хууль тогтоох засаглалын байгууллагуудын дээд, өндөр түвшний төлөөлөгчид, гадаадын 30 гаруй орны 150 гаруй нийгэм, улс төрийн зарим зүтгэлтнүүд оролцож байна.

Гадаад харилцааны сайд Д.Цогтбаатар хуралд оролцох үеэр ОХУ-ын болон гадаадын Хэвлэл мэдээллийн байгууллагуудад ярилцлага өгч Монгол Улсын гадаад бодлогын талаар мэдээлэл өгөв.

Холбоотой мэдээ