Цэргийн 7 дугаар наадамд Хятадын 400 тамирчин оролцоно
ДЭЛХИЙН МЭДЭЭ | НИЙГЭМБЭЭЖИН. /Xinhua/. Ирэх оны 10 дугаар сарын 18-27-нд БНХАУ-ын төвийн нутгийн Хубэй мужийн нийслэл Ухань хотноо зохион байгуулах “Дэлхийн цэргийн наадам”-д тус улсын зэвсэгт хүчний 400 гаруй тамирчин оролцоно гэж БНХАУ-ын Батлан хамгаалах яамнаас лхагва гарагт мэдээлэв.
Олон улсын цэргийн спортын зөвлөлөөс 1995 оноос эхлэн дөрвөн жил тутам
зохион байгуулж эхэлсэн олон төрөлт спортын наадмын үеэр спортын 27 төрлийн 320
гаруй тэмцээнийг зохион байгуулах бөгөөд энэ удаагийн наадамд агаарын теннис,
ширээний теннис, эрэгтэйчүүдийн гимнасик зэрэг төрлүүд шинээр нэмэгдэх ажээ.
Дэлхийн цэргийн долдугаар наадамд 100 гаруй орны 10 мянга гаруй тамирчин
оролцож, өрсөлдөх юм. “Хятадын тамирчид гольфоос бусад бүх төрлийн тэмцээнүүдэд
оролцох ба энэ наадамд оролцохоор 29 багийг бүрдүүлэх бөгөөд энэ оны эцэс гэхэд
тамирчдыг сонгосон байх юм” гэж Батлан хамгаалах яамны мэдэгдэлд тэмдэглэсэн
байна.
“2019 оны дөрөвдүгээр сар гэхэд тэмцээнүүдийг зохион байгуулах 35 талбайг
байгуулсан байх бөгөөд наадмын тасалбар гуравдугаар сараас эхлэн худалдаанд
гарна” гэж уг наадмыг зохион байгуулах хорооны ерөнхий нарийн бичгийн дарга Чэн
Руйфэнь мэдээлжээ.