Нийтийн тээврийн үйлчилгээний хоёр чиглэлд өөрчлөлт оруулав

Монголын мэдээ | Нийгэм
ariunzaya@montsame.mn
2018-10-19 13:47:47

Улаанбаатар /МОНЦАМЭ/. Баянзүрх дүүргийн 28 дугаар хороо, Хан-Уул дүүргийн 12 дугаар хорооны иргэдээс ирүүлсэн санал хүсэлт, зорчих эрэлтэд үндэслэн Хужирбулангийн суурьшлийн цэгийн иргэдийг Баянзүрх дүүрэг хүрч төрийн үйлчилгээг авах боломжийг бүрдүүлэх зорилгоор Ч:11 “Хужирбулан-Офицеруудын ордон” чиглэлийг сунган замналд өөрчлөлт оруулжээ.

Мөн Био комбинат орчмын суурьшил хүрээгээ тэлсэнтэй холбоотойгоор Хан-Уул дүүргийн 12 дугаар хорооны иргэдэд нийтийн тээврийн үйлчилгээг хүртээмжтэй хүргэхийн тулд ХО:9 “Био комбинат-Сонсголон-5 шар” чиглэлийг сунгаад байна. Дээрх чиглэлүүдийн өөрчлөлтийг энэ сарын 20-ноос мөрдүүлэхээр шийдвэрлэн холбогдох бэлтгэл ажлыг хангажээ.




Холбоотой мэдээ