Монгол, БНХАУ-ын ГХЯ-ны Улс төрийн газрын зөвлөлдөх уулзалт болов

МОНГОЛЫН МЭДЭЭ | ГХЯ-НЫ МЭДЭЭ
ariunbold@montsame.gov.mn
2018-11-14 08:27:08

Улаанбаатар /МОНЦАМЭ/. Монгол, БНХАУ-ын ГХЯ-д хоорондын хамтран ажиллах төлөвлөгөөний дагуу энэ сарын 13-ны өдөр Улс төрийн газрын зөвлөлдөх уулзалт болов.


Зөвлөлдөх уулзалтыг Монголын талаас ГХЯ-ны Хөрш орнуудын газрын дэд захирал Г.Бумцэнд, БНХАУ-ын талаас ГХЯ-ны Азийн газрын дэд захирал Шюэ Жянь нар тус тус удирдан явуулав. Талууд энэ удаагийн зөвлөлдөх уулзалтаар хоёр талын иж бүрэн стратегийн түншлэлийн харилцааг бэхжүүлэх, өндөр, дээд түвшинд хүрсэн тохиролцоог ажил хэрэг болгох, ялангуяа эдийн засгийн хамтын ажиллагааны тодорхой төслүүдийн хэрэгжилтийг түргэтгэх, ирэх онд хэрэгжүүлэх хоёр талын харилцан айлчлал, хоёр улсын хооронд дипломат харилцаа тогтоосны 70 жилийн ойг тэмдэглэн өнгөрүүлэх арга хэмжээний талаар хэлэлцэж, хамтарсан төлөвлөгөө гаргахаар тохиролцов.     

Холбоотой мэдээ