Улаанбаатар
Долоо хоногийн сүүлчээр Баян-Өлгийн ихэнх нутгаар цас орж, хүйтэрнэ
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Цаг агаарын урьдчилсан мэдээгээр энэ сарын 24-ний
өдөр Баян-Өлгий аймгийн зарим нутгаар, 24-нөөс 25-нд шилжих шөнө нутгийн ихэнх
хэсгээр цас орно гэж аймгийн Ус, цаг уур, орчны шинжилгээний төвөөс мэдээллээ.
Энэ үеэр салхины хурд 14-16 м/с-д хүрч ширүүсэж цасан болон шороон шуурга
шуурах аж.
Бусад хугацаанд салхи 5-10 м/с, агаарын температур бүх нутгаар шөнөдөө
12-17 градус, өдөртөө 4-9 градус хүйтэн байна. Харин энэ сарын 25-ны өдрөөс бүх
нутгаар хүйтрэх төлөв ажиглагджээ.
Дашрамд хэлэхэд, өнөөдрийн байдлаар тус аймгийн Алтай сумд нэг сантиметр,
Булган суманд гурван сантиметр, Сагсай сумын Даян багт есөн сантиметр цастай байна.
