Улаанбаатар
“ОПЕК”-ийн орнууд газрын тосны олборлолтыг бууруулах тухай хэлэлцэнэ
ДЭЛХИЙН МЭДЭЭ | ЭДИЙН ЗАСАГ
ВЕНА. /NHK/.
Австрийн нийслэл Вена хотноо болж буй “ОПЕК”-ийн гишүүн орнуудын уулзалтын үеэр газрын тосны үнийг
тогтоон барих зорилгоор ирэх онд олборлолтын хэмжээг бууруулах талаар хэлэлцсэн
байна.
Гэсэн хэдий ч пүрэв
гарагт болсон уулзалтын үеэр төлөөлөгчид газрын тосны олборлолтыг бууруулах
тохиромжтой арга замыг олох талаархи зөвшилцөлд хүрч чадаагүй бөгөөд баасан
гарагт болох ОХУ ба “ОПЕК”-ийн гишүүн бус орнуудын уулзалтын үеэр энэ талаар дахин
хэлэлцэх ажээ.
Иракийн Газрын
тосны сайд Тамир Аббас Гадбан сэтгүүлчдэд мэдээлэхдээ, “ОПЕК”-ийн орнуудын
төлөөлөгчид газрын тосны үйлдвэрлэлийг хэрхэн бууруулах талаар хэлэлцэж байгаа
боловч үүнийг хэрэгжүүлэхийн тулд “ОПЕК”-ийн гишүүн бус холбоотнуудтайгаа яриа хэлэлцээ
хийх шаардлагатай байна гэжээ.
АНУ Ираны газрын
тосны импортод хориг тавьсантай холбоотойгоор “ОПЕК”-ийн гишүүн орнууд газрын тосны
олборлолтоо нэмэгдүүлсэн билээ. Үүний улмаас газрын тосны нийлүүлэлтэд илүүдэл үүсч, өнгөрсөн 10 дугаар сард дээд цэгтээ хүрсэн газрын тосны үнэ 30
орчим хувиар унасан юм.
