Аймгийн дотоодын нийт бүтээгдэхүүн өмнөх оныхоос 11.9 хувиар өсчээ

ОРОН НУТГИЙН МЭДЭЭ | АРХАНГАЙ
gereltod@montsame.mn
2018-12-10 20:38:40

Архангай /МОНЦАМЭ/. Аймгийн эдийн засаг, нийгмийг 2018 онд хөгжүүлэх үндсэн чиглэлийг аймгийн хэмжээнд дөрвөн бодлогын хүрээнд 162 арга хэмжээг төлөвлөн хэрэгжүүлснээс өнөөдрийн байдлаар биелэлт 86.7 хувьтай байна. Архангай аймгийн дотоодын нийт бүтээгдэхүүн 11.9 хувиар, бүтээгдэхүүн үйлдвэрлэл өнгөрсөн оны мөн үеэс 7.2 хувиар өссөн байна.


Тухайлбал, үйлдвэрлэл хөгжүүлэх чиглэлээр Эрдэнэбулган суманд байгуулагдах ноос угаах үйлдвэрийн суурь судалгаа хийгдэж, барилгын ажлыг эхлүүлжээ.

Мөн 2018 онд жижиг дунд үйлдвэр хөгжүүлэх сангаас 10 аж ахуй нэгж, иргэдэд  452.0 сая төгрөгийн санхүүжилтыг, сум хөгжүүлэх сангаас 10 суманд мал аж ахуй, хүнсний үйлдвэрлэл, газар тариалан, эмийн сангийн чиглэлээр нийт 104 аж ахуйн нэгж, иргэдэд 727.458.80 төгрөгийн, жижиг дунд үйлдвэр хөгжүүлэх сангаас сүү, сүүн бүтээгдэхүүн үйлдвэрлэлийн 5 төсөлд 239,0 сая төгрөгийн санхүүжилт олгож, тодорхой ажлын байруудыг бий болгосон байна.

Холбоотой мэдээ