Канадын дипломатч асныг БНХАУ-д баривчилжээ
ДЭЛХИЙН МЭДЭЭ | НИЙГЭМБЭЭЖИН. /BBC/.
Мягмар гарагт Канадын дипломатч асан
Майкл Ковригийг БНХАУ-д баривчилсан байна. “Huawei” компанийн
өндөр албан тушаалтныг Канадад баривчилсан явдлыг БНХАУ-ын тал эсэргүүцсэн хэвээр байгаа
юм.
Бельгид байрладаг
Олон улсын хямралын асуудал эрхэлсэн байгууллагын мэдээлснээр, Зүүн Хойд Азийн асуудал
эрхэлсэн газрын ахлах зөвлөх М.Ковригийг БНХАУ-д баривчилсан ажээ.
Баривчилгаа хэзээ
болсон хийгээд Канадын дипломатч асныг яагаад баривчлах болсон талаархи дэлгэрэнгүй
мэдээлэл байхгүй байна.
“Huawei” компанийн санхүү хариуцсан захирал Мэн Ваньжоуг Канадын хууль сахиулах ажилтнууд АНУ-ын хүсэлтээр 12 дугаар сарын 1-нд Ванкувер хотоос баривчилснаас хойш Хятад-Канадын харилцаа хурцдаж эхэлсэн юм.