Гадаад харилцааны сайд Д.Цогтбаатар Британийн Элчин сайд Филип Малоныг хүлээн авч уулзав

МОНГОЛЫН МЭДЭЭ | ГХЯ-НЫ МЭДЭЭ
ariunbold@montsame.gov.mn
2018-05-14 18:32:12
Улаанбаатар /МОНЦАМЭ/. Гадаад харилцааны сайд Д.Цогтбаатар Их Британи, Умард Ирландын Нэгдсэн Вант Улсаас Монгол Улсад суугаа Элчин сайд Филип Малоныг 2018 оны 5 дугаар сарын 14-ний өдөр хүлээн авч уулзав.
 
Уулзалтаар хоёр орны харилцаа, хамтын ажиллагааны өнөөгийн байдал, цаашид хэрэгжүүлэх арга хэмжээ, бүс нутгийн болон олон улсын харилцааны харилцан сонирхсон зарим асуудлаар санал  солилцов.
 
Сайд Д.Цогтбаатар Монгол, Британийн найрсаг харилцаа, хамтын ажиллагааг бүхий л салбарт өргөжүүлэх, ялангуяа хоёр талын худалдаа, хөрөнгө оруулалтыг нэмэгдүүлэх, хамтарсан бизнес уулзалтуудыг тогтмол зохион байгуулах, Британийн хөрөнгө оруулалтыг нэмэгдүүлэх сонирхлоо илэрхийлэв. Элчин сайд Ф.Малон хоёр улсын хамтын ажиллагаа улс төр, эдийн засаг, батлан хамгаалах, байгаль орчны салбарт идэвхтэй өрнөж буйг тэмдэглээд Элчин сайдаар ажиллах хугацаандаа дээд, өндөр түвшний харилцан айлчлал хэрэгжүүлэх, худалдаа, эдийн засгийн хамтын ажиллагааг өргөжүүлэхэд анхаарч ажиллахаа мэдэгдэв.
Холбоотой мэдээ