top banner
Шуурхай мэдээ

“Өргөө” багт 28 авто машины зогсоол байгуулав


2017-05-18 13:17:46
Зураг
Дархан-Уул /МОНЦАМЭ/ Тус аймгийн Дархан сумын “Өргөө” багийн нутаг дахь орон сууцны 21 дүгээр хорооллын 4, 5, 5б, 7 дугаар байрны гадна 28 авто машины зогсоол шинээр байгууллаа. Багийн иргэдээс гарсан саналын дагуу уг ажлыг Дархан сумын орон нутгийн болон ОНХС-гийн 12,9 сая төгрөгийн төсөвт өртгөөр барилга угсралт, засварын "Тэрхийн-Оргил" ХХК гүйцэтгэж лхагва гарагийн морин цагт хүлээлгэж  өгөв.
Сумын Засаг дарга Б.Азжаргал: “Зөвхөн авто машины зогсоолоос гадна хорооллын төв зам руу холбогдсон 25м замыг ч мөн засварлаж хүлээлгэж өглөө. Бүтээн байгуулалтын эдгээр ажлууд нь иргэдэд ая тухтай, эрүүл, аюулгүй орчинд амьдрах нөхцөл боломжийг нэмэгдүүлж байгаагаараа ач холбогдолтой” гэв. 
                                                                                                                                                    Б.Норовсамбуу

Монгол брэнд