top banner
Шуурхай мэдээ

Үс шинээр үргээлгэх буюу засуулбал эд эдлэл, идээ ундаа олно


2017-05-19 08:06:34
Зураг
Өнөөдөр аргын тооллын 2017 оны тавдугаар сарын 19. Баасан гараг. Билгийн тооллын XVII жарны "Алтан унжлагат" хэмээгч Гал тахиа жилийн хаврын адаг хөх луу сарын шинийн 23. Сугар гараг. Долоон улаан мэнгэтэй, Чөдөр одтой, улаан морь өдөр.
 
                          Барилдлага: Шид
                          Шүтэн барилдлага: Хурьцахуй
                          Суудал: Мод
 
Өдрийн наран 5 цаг 16 минутад мандан, 20 цаг 29 минутад жаргана. 08 цаг 34 минутад сар тал болно. Тухайн өдөр нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, гарагийг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргахад муу.
 
Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эд эдлэл, идээ ундаа олно хэмээжээ.

Сурталчилгаа
Монгол брэнд