top banner
Шуурхай мэдээ

Пёнчан-2018: Умардын тамирчдыг цэрэггүй бүсээр нэвтрүүлнэ


2017-05-19 13:46:05
Зураг
ЛОНДОН. /ВВС/.  Ирэх онд болох Пёнчаны өвлийн Олимпын наадмыг тохиолдуулан эв найрамдлын бэлгэ тэмдэг болгож цэрэггүй бүсийн хуурай замаар Умард Солонгосын тамирчдыг Өмнөд Солонгос руу нэвтрүүлнэ гэдгээ уг наадмыг зохион байгуулагчид амлалаа.

4 км өргөн цэрэггүй бүсийг хоёр талын олон зуун цэрэг хамгаалдаг бөгөөд жирийн иргэдийг энэ бүсээр нэвтрүүлдэггүй юм.

Харин “Пёнчан-2018” өвлийн Олимпыг зохион байгуулах хорооны дарга Хи Бом Ли өчигдөр Лондон дахь Өмнөд Солонгосын ЭСЯ-нд сэтгүүлчидтэй уулзах үеэрээ “хэрвээ ирэх онд болох Олимпын тоглолтод Умардын тал тамирчдаа илгээвэл тэднийг цэрэггүй бүсийн хуурай замаар Өмнөд Солонгост нэвтрүүлнэ” гэжээ.

“Солонгосын хойгт энх тайван байдлыг сахин хамгаалах үүднээс Умард Солонгосын тамирчид энэ өвлийн Олимпын наадамд оролцох нь маш чухал” гэж тэрбээр нэмж хэлсэн байна.

1953 онд Солонгосын дайн дууссаны дараа байгуулагдсан цэрэггүй бүсийн усан замаар Умард Солонгосын хөгжөөн дэмжигчид болон албаны хүмүүсийг Өмнөд Солонгос руу нэвтрүүлэх аж.

2018 оны өвлийн Олимпын наадам 2 дугаар сарын 9-25-нд, өвлийн Паралимпын тоглолт 3 дугаар сарын 9-18-нд болно. 
Г.Доржханд
 

 

Сурталчилгаа
Монгол брэнд