top banner
Шуурхай мэдээ

Хятадын онлайн худалдааны борлуулалт 1 их наяд юаниас давжээ


2017-08-07 11:26:09
Зураг
БЭЭЖИН. /Xinhua/. Хятадын онлайн худалдаагаар тэргүүлэгч 100 компанийн борлуулалт анх удаагаа 2016 онд 1 их наяд юаниас давсан тухай тус улсын Засгийн газар мэдэгдлээ.

Хятадад ухаалаг гар утасны хэрэглээ хурдацтай нэмэгдэж байгааг дагаад хүмүүс онлайнаар бараа бүтээгдэхүүн худалдан авч, төлбөр тооцоо хийх нь нэмэгдэх болжээ. 

Тус улсын Аж үйлдвэр, мэдээлэл технологийн яамны албаны хүмүүсийн хэлснээр, онлайн худалдааны салбарт тэргүүлэгч шилдэг 100 аж ахуйн нэгжийн борлуулалт 2016 онд өмнөх оныхоос бараг 50 хувиар нэмэгдэн 1.07 их наяд юань болжээ.

Энэ борлуулалтын талаас илүү хувь нь онлайн худалдааны салбарт тэргүүлэгч “Alibaba” групп тэргүүтэй таван компанид ногдож байна.

Эдгээр компани нь хиймэл оюун ухаан ашиглан бүтээгдэхүүнүүдээ улам боловсронгуй болгосоор байгаа юм.
Г.Доржханд

Монгол брэнд