top banner
Шуурхай мэдээ

Иргэдэд эрүүл мэндийн үзлэг, шинжилгээ үнэ төлбөргүй хийнэ


2017-09-14 12:35:04
Зураг
Улаанбаатар /МОНЦАМЭ/. Сонгинохайрхан дүүрэг үүсгэн байгуулагдсаны 25 жилийн ойн хүрээнд Сонгинохайрхан эрүүл мэндийн төв, П.Н.Шастины нэрэмжит улсын гуравдугаар төв эмнэлэгтэй хамтран “Сонгинохайрхан 25 жил – Эрүүл мэндийн өдөрлөг” зохион байгуулах болжээ.

Өдөрлөгийн үеэр зүрхний шигдээс, мэдрэлийн мэс засал болон чих, хамар, хоолойн эмчийн үзлэгийг үнэ төлбөргүй хийх юм. Мөн нүдний эмч нар үзлэг хийж, иргэдэд эрүүл зөв хооллолтын зөвлөгөө өгч, цусан дахь сахар, артерийн даралт үзэх аж. Өдөрлөг энэ сарын 16-нд буюу ирэх бямба гарагт “Соёмбо” кино театрын гадаа талбайд 10.00-16.00 цагийн хооронд болно.

Ч.Ариунболд

Монгол брэнд