top banner

Жүдо, чөлөөт бөхийн МJ клуб СХД-т нээгдлээ


2017-10-21 13:52:14
Зураг
Улаанбаатар /МОНЦАМЭ/. Сонгинохайрхан дүүргийн шинэ Орбитын эцэст Монгол-Японы жүдогийн найрамдалын МJ Нийгэмлэг, тус дүүргийн ЗДТГ, ИТХ, БТСХ болон бөхийг дэмжигч компани байгууллагуудтай хамтран шинээр жүдо, чөлөөт бөхийн MJ клуб байгуулан, өнөөдөр уг бөхийн клубын “Бөхийн ордон”-ы нээлтийн ёслол боллоо.

Олимп, дэлхий, тивийн аваргыг төрүүлэх зорилгоор нийслэлийн захын дүүргийн хүүхдүүд бөхийн спортоор хичээллэх боломжийг бүрдүүлсэн MJ клуб СХД-т үйл ажиллагаагаа эхлүүллээ.



MJ клуб нь жүдо болон чөлөөт бөхийн сургалтыг хослуулан явуулах бөгөөд СХД-ийн Биеийн тамир спорт хороо /БТСХ/-ны дэргэд тус клубын бөхийн заалыг ийнхүү ашиглалтанд оруулсанд тус дүүргийнхэн баяртай байна.

Тус клубын нээлттэй давхцан “MJ Cup-2017” жүдо бөхийн өсвөр үеийн аварга шалгаруулах тэмцээнийг зохион байгуулж байгаа юм.

Д.Өлзий

Монгол брэнд