top banner

“Антибиотикийн талаарх мэдлэг, хандлагыг дээшлүүлэх дэлхийн долоо хоног” өнөөдөр эхэллээ


2017-11-13 17:52:31
Зураг
Улаанбаатар /МОНЦАМЭ/. “Антибиотикийн талаарх мэдлэг, хандлагыг дээшлүүлэх дэлхийн долоо хоног” өнөөдөр эхэллээ. 

Антибиотикийг зохисгүй хэрэглэснээр уг эмэнд тэсвэртэй “супер бичил биетнүүд” бий болж дараагийн удаа антибиотик хэрэглэхэд эмчилгээ ямар ч үр дүнгүй болох аюултай. 
Нээлтийн үеэр Эрүүл мэндийн сайд  Д.Сарангэрэл хэлэхдээ, “НҮБ-аас антибиотикийг зохистой хэрэглэдэг болгохоор долоо хоногийн аянг өрнүүлж байна. Бид антибиотикийн зохистой хэрэглээг хэвшүүлэх шаардлагатай байна. Антибиотикийг дураараа, хэмжээ, хязгааргүй хэрэглэснээр ямар нэгэн өвчин туслаа гэхэд ямар ч эм үйлчлэхгүй болох магадлалтай. Тиймээс антибиотикийн зохистой хэрэглээг хэвшүүлэхэд иргэд, эрүүл мэндийн яам ажиллах шаардлагатай” гэв.
Аяны хүрээнд зөвхөн эмчийн бичиж өгсөн антибиотикийг хэрэглэх. эмчилгээгээ дутуу орхилгүй бүрэн, гүйцэд хийлгэх, нянгийн тархалтаас сэргийлэх, антибиотикийн хэрэглээг хязгаарлахын тулд эрүүл ахуй, ариун цэврийн зөв дадлыг хэвшүүлэх, антибиотикийг хариуцлагатай хэрэглэхэд найз, гэр бүлийнхэндээ туслах зэрэг уриалга гаргав.

Уг долоо хоног энэ сарын 19-ныг хүртэл үргэлжилнэ.
Ж.Болор

Монгол брэнд