top banner

Галын ангиллын стандартыг шинчилжээ


2018-01-11 13:36:43
Зураг

Улаанбаатар /МОНЦАМЭ/ Онцгой байдлын ерөнхий газрын Гамшиг судлалын хүрээлэнгийн Гамшгийн туршилт, шинжилгээний төвийн дарга, дэд хурандаа Д.Баян-Эрдэнэ “Галын аюулаас хамгаалах нийтлэг асуудлын ангилал” стандартыг шинэчлэн боловсруулсан тухай мэдээлэл өглөө.

Уг стандартыг Стандарт, хэмжилзүйн газрын Үндэсний зөвлөлийн өнгөрөгч 12 дугаар сарын 27-ны өдрийн хурлын 48 дугаар тогтоолоор шинэчлэн баталсан байна. Тус стандарт нь анх 2005 онд MNS 4284-2005 дугаартай батлагдан галыг дөрөв ангилж байсан бол шинэчлэгдэн батлагдсан стандартаар хоёр ангилал нэмэгдэн "MNS 4284-2018" дугаартай батлагджээ. Стандарт шинэчлэгдэн батлагдсан нь гал түймрийн ангиллаас хамаарч унтраах арга зүйг сонгох, импортолж буй гал унтраагуурт тавих шаардлага нэмэгдэх зэрэг ач холбогдолтой юм гэж  тэрээр тайлбар өглөө.
 

Ж.Батсайхан


Монгол брэнд