Өсвөр үеийнхэн яавал илүү аз жаргалтай болохыг сэтгэл зүйчид хэлжээ

Дэлхийн мэдээ | Эрүүл мэнд
ayanzaya@montsame.gov.mn
2018-01-24 16:53:18
МОСКВА. /РИА Новости/. Дэлгэцний өмнө илүү бага цаг зарцуулдаг өсвөр үеийнхэн амьдралаас компьютероос хамааралтай болсон үе тэнгийнхнээсээ илүү сэтгэл ханамж авч чаддаг гэдгийг АНУ-ын Калифорни муж улсын Сан-Диего хотын их сургуулийн эрдэмтэд тогтоожээ. Судалгааны дүнг Америкийн сэтгэл судлалын холбооны “Emotion” сэтгүүлд нийтэлжээ.
 
Мэргэжилтнүүд Америкийн 18 хүртэлх насны 1 сая өсвөр үеийнхний зан байдал болон зуршилд анхаарлаа хандуулан тэдний сэтгэл зүйн эрүүл мэндийн талаарх мэдээллийн санг судалжээ. Судалгааны дүнд дэлгэцийн өмнө хэдэн цагаар суудаг тоглоомын хорхойтнууд, телевизийн хөтөлбөрүүд, олон нийтийн сүлжээнд дурлагсад өөрсдийгөө аз жаргалгүйд тооцдог нь илэрчээ. Энэ хүчин зүйл нь амьдралаас авах сэтгэл ханамжийг ихээхэн хэмжээгээр бууруулдаг болохыг мэргэжилтнүүд онцолсон байна.  
 
“Гэсэн хэдий ч судалгаанд учир шалтгааны холбоо тусгагдаагүй. Олон нийтийн сүлжээний идэвхтэй хэрэглэгч илүү аз жаргалгүй болдог хэдий ч аз жаргалгүй хүн олон нийтийн сүлжээг идэвхтэй хэрэглэж эхэлдэггүй” гэж судалгааны багийн ахлагч Жин Твинж ярьжээ.

Өсвөр үеийн залуусыг цахим тоног төхөөрөмж ашиглах хугацаагаа өдөрт 2 цаг болгон багасгахыг мэргэжилтнүүд зөвлөж байна. Түүнчлэн шинэ найзуудтай болж, эргэн тойрондоо бодит харилцаа үүсгэхийг зөвлөжээ.
Э. Аянзаяа 

Холбоотой мэдээ