“Торгоны зам-2018” шагналын эзэд тодорлоо

Монголын мэдээ | Эдийн Засаг
ariunzaya@montsame.mn
2018-02-14 09:56:36
Улаанбаатар /МОНЦАМЭ/. МҮХАҮТ-аас хоёр жилд нэг удаа зохион байгуулдаг “Silk road Award" буюу "Торгоны зам" шагналын эзэд тодорлоо. 

МҮХАҮТ 2007 оноос нийгэм, эдийн засгийн хөгжилд үнэтэй хувь нэмэр оруулж буй Олон улсын байгууллагууд, хоёр талын техникийн туслалцааны болон бусад гадаадын санхүүжилтээр хэрэгжиж буй төслүүд, Дипломат төлөөлөгчийн газрууд, гадаадын хөрөнгө оруулагчид болон гадны иргэдийг онцлон шалгаруулах, урамшуулан дэмжих, тэднийг нийтэд таниулах зорилгоор "Торгоны зам" шагналыг гардуулдаг уламжлалтай. 

Шагнал гардуулах ёслолын үеэр гадны зочид төлөөлөгчдөд цагаан сарын ууц хөндөх ёсны талаар танилцуулж,  язгуур урлаг, үндэсний хувцасны үзүүлбэрээс толилуулав.



 “Silk road Award 2018” шагналаар:

Гадаадын хөрөнгө оруулалттай аж ахуйн нэгж, байгууллагаас:

1. Монгол Улсын болон орон нутгийн төсөвт хамгийн их хувь нэмэр оруулсан гадаадын хөрөнгө оруулагч-"Оюу толгой" ХХК
2. Шинэ дэвшилтэт технологи нэвтрүүлсэн хөрөнгө оруулагч-Улаанбаатар Смарт карт ХХК
3. Ногоон хөрөнгө оруулагч- ENGIE ХХК
4. Нийгмийн хариуцлагатай хөрөнгө оруулагч – Мобиком ХХК, Саутс Гоби сэндс
5. Дотоодын ажлын байр хамгийн ихээр бий болгосон хөрөнгө оруулагч- E-Mart Super Market

Олон улсын байгууллага, төсөл хөтөлбөрүүдийн номинацид:

1. Ногоон эдийн засаг, ногоон бизнес, байгаль орчныг хамгаалах чиглэлээр хамгийн өгөөжтэй, үр дүнтэй ажиллаж байгаа- Мон Наран төсөл
2. Ядуурлыг бууруулах, тогтвортой амьжиргааг бий болгох зэргээр нийгмийн хөгжлийг хангахад хамгийн үр дүнтэй ажиллаж байгаа-Японы Олон улсын хамтын ажиллагааны байгууллага –Жайка (JICA)
3.  Төр, хувийн хэвшлийн харилцан яриа, түншлэлийн механизм, Country Ownership зарчмыг бодитой хэрэгжүүлж буй байгууллага - Германы Олон Улсын Хамтын Ажиллагааны Нийгэмлэг – GIZ

Хоёр улсын хамтын ажиллагааны хөгжилд хувь нэмэр оруулсан иргэн номинацид:

1. Эрхэмсэг ноён Жон Лангтри- Австрали Улсаас Монгол Улсад суугаа Элчин сайд
2. Ноён Окава Наото- Монгол-Японы төв
3. Калыбек Ибрагимович Кобландин-Казахстан Улсаас суугаа Элчин сайд
4. Туркийн тогооч нарын нийгэмлэгийн тэргүүн Ялцын Манав нар  “Silk road Award" шагналыг тус тус хүртлээ.
Б.Заяа
Холбоотой мэдээ