top banner

А.Шварценеггер зүрхний мэс засалд оржээ


2018-03-31 14:49:35
Зураг
ВАШИНГТОН. /Би-Би-Си/. Австри гаралтай америк жүжигчин, АНУ-ын Калифорни муж улсын захирагч асан Арнольд Шварценеггер саяхан зүрхний мэс засалд оржээ.

“Би-Би-Си” телевизийн мэдээлснээр, өдгөө 70 настай А.Шварценеггер энэ долоо хоногийн пүрэв гарагт зүрхний хавхлаг солиулах мэс засалд орсон байна.

Түүний хэвлэлийн төлөөлөгч Дэниел Кетчелл хэлэхдээ “А.Шварценеггерын биеийн байдал сайжирч байна” гэжээ.

А.Шварценеггер нь “Терминатор”, “Зэрлэг Конан” зэрэг киногоороо дэлхий дахинд алдаршсан нэгэн билээ. Тэрбээр 2003 оноос 2011 оны хооронд Калифорнийн амбан захирагчаар хоёр удаа сонгогдон ажилласан юм.

Г.Доржханд


Монгол брэнд