top banner

“Алтан хальс” наадмын тэргүүн дээд шагналыг Бельгийн “Майн баяр” кино хүртэв


2018-06-11 16:05:10
Зураг
Улаанбаатар /МОНЦАМЭ/. БСШУСЯ, Соёл, урлагийн газар, “Алтан хальс” холбоо хамтран зохион байгуулсан “Алтан хальс индепендент кино наадам” шилдгүүдээ тодрууллаа.

Энэ удаагийн кино наадмыг “Хүүрнэлт кино”, “Хүүхэлдэйн кино”, “Баримтат кино”, “Эксперименталь кино” гэсэн төрлөөр гадаадын 55 орны уран бүтээлч өрсөлдсөнөөс "Алтан хальс" дээд шагналын эзнээр Бельгийн "Майн баяр" кино тодров.

Ингээд шилдэг бүтээлүүдийг танилцуулж байна.
Шилдэг олон улсын баримтат кино төрөлд ялагч бүтээл: Марина-Эвелина Кракана – “Түлшний шүүр” (Румын)
Шилдэг Монгол баримтат кино тусгай шагналын ялагч бүтээл: Баттулгын Гантулга – “Сүмбэр”
Шилдэг олон улсын эксперименталь кино төрөлд ялагч бүтээл: Майкл Лайонс – “Кино давтамж 31: Шисэндо” (Япон)
Шилдэг Монгол эксперименталь кино төрөлд ялагч бүтээл: Эрдэнэ-Очирын Отгон-Эрдэнэ – “Замхрал”
Шилдэг олон улсын хүүхэлдэйн кино төрөлд ялагч бүтээл: Шинпэй Шэнь – “Лянхуа дэнлүү” (БНХАУ)
Шилдэг олон улсын хүүрнэлт кино төрөлд ялагч бүтээл: Роман Любый – “Гахайнууд” (Украин)
Шилдэг Монгол хүүрнэлт кино төрөлд ялагч бүтээл: Гантулгын Номин – “Түлхүүр”
Сонголтын хорооны шагналын эзэн бүтээл: Цагаанцоожийн Галсандорж – “Хөл нүцгэн”
Алтан хальс дээд шагналын эзэн: Оливье Мажис – Майн баяр (Бельги)

Ийнхүү долоо хоногийн турш үргэлжилсэн кино наадмын шилдгүүд тодорлоо.  2019 оны кино наадам хүртэл олон шинэ уран бүтээл хийж, илүү олон уран бүтээлчид тус наадамд оролцохыг зохион байгуулагчдын зүгээс уриалав.
Ж.Болор


Монгол брэнд