top banner

Онцгой байдлын байгууллагын шилдгүүдийг шагналаа


2018-07-09 17:28:36
Зураг

Улаанбаатар /МОНЦАМЭ/ Үндэсний их баяр наадам, Ардын хувьсгалын 97 жилийн ойг тохиолдуулан Онцгой байдлын байгууллагад олон жил идэвх, зүтгэл гарган үр бүтээлтэй ажиллаж байгаа алба хаагчдыг өнөөдөр шагнаж урамшууллаа.

Алба хаагчдыг шагнах ёслолын ажиллагаанд ОБЕГ-ын тэргүүн дэд дарга бөгөөд штабын дарга, бригадын генерал Г.Ариунбуян болон даргын зөвлөлийн гишүүд оролцсон юм. Монгол Улсын Ерөнхийлөгчийн зарлигаар “Цэргийн гавьяаны одон”-оор ОБЕГ-ын ахмад настан, бэлтгэл хурандаа Дагдандоржийн Эрдэнэбилэг нарын 3 алба хаагч, “Цэргийн хүндэт медаль”-иар ОБЕГ-ын Улсын нөөц, хүмүүнлэгийн тусламжийн газрын газрын тосны бүтээгдэхүүний нөөц хариуцсан мэргэжилтэн, ахмад Сосорын Байгалмаа нарын 33 алба хаагч шагнуулсан юм. Харин “Хөдөлмөрийн хүндэт медаль”-иар Гамшиг судлалын хүрээлэнгийн үйлчлэгч Ёндонгийн Баясгалмаа, үйлчлэгч Буяагийн Долгорсүрэн,  Улаанбаатар хот дахь Хүнсний нөөцийн салбарын үйлчлэгч Жалцангийн Алтанцэцэг, Улаанбаатар хот дахь Обьект-03 салбарын нөөцийн барааны нярав Түнжингийн Цэрэнбалтав, Үндэсний аврах бригадын тавиулангийн жижүүр Нагчингийн Баасанхүү нарын 15 алба хаагчийг шагнажээ.

“Шударга журам медаль”-иар нийслэлийн Аврах анги-105-ын Эрэн хайх, аврах салбарын аврагч, ахлах ахлагч Лодойхүүгийн Будсүрэн, мөн салбарын аврагч, ахлах ахлагч Цээтлэнгийн Наранбаатар,  Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн гал сөнөөгч, ахлах ахлагч Доржнямын Ганзориг, мөн ангийн гал сөнөөгч, ахлах ахлагч Даянбуугийн Эрдэнэбилэг, Багануур дүүргийн Онцгой байдлын хэлтсийн Гал түймэр унтраах, аврах 64 дүгээр ангийн салааны захирагчийн туслах, ахлах ахлагч Ганбаатарын Энхбаатар, Үндэсний аврах бригадын Уул уурхайн аврах ангийн бүлгийн дарга, ахлах дэслэгч Баярсайханы Мөнхсайхан нарын 12 алба хаагч тус тус шагнууллаа.

Мөн өнөөдөр Үндэсний их баяр наадам, Ардын хувьсгалын 97 жилийн ойг тохиолдуулан Онцгой байдлын албанд олон жил үр бүтээлтэй ажиллаж байгаа алба хаагчдыг Монгол Улсын Шадар сайдын тушаалаар  ОБЕГ-ын Гал түймэртэй тэмцэх газрын Гал түймрийн улсын хяналтын хэлтсийн дарга, дэд хурандаа Гонгордоржийн Нармандах, Нийслэлийн Онцгой байдлын газрын Хан-Уул дүүргийн Онцгой байдлын хэлтсийн Гал түймэр унтраах, аврах 65 дугаар ангийн гал унтраах автомашины жолооч, ахлах ахлагч Цэсмаагийн Нямдаваа,  Налайх дүүргийн Онцгой байдлын хэлтсийн орлогч, гамшгаас хамгаалах төлөвлөлт, бэлэн байдал хариуцсан ахлах мэргэжилтэн, ахлах байцаагч, хошууч Луузангийн Чинбат,“ТЭЦ-3” Дулааны цахилгаан станцын гэрээт галын хэсгийн дарга, ахлах байцаагч, хошууч Ганболдын Эрдэнэболд, Онцгой байдлын ерөнхий газрын ахмад ажилтан Содномын Базаррагчаа нарын 11 алба хаагчдыг Онцгой байдлын албаны “Тэргүүний ажилтан” тэмдгээр, Нийслэлийн Онцгой байдлын газрын ТЭЦ-3 ТӨХК-ийн галын хэсгийн туслах байцаагч, ахлах ахлагч Цэрэндондогийн Ариунзаяа, Мэдээлэл шуурхай удирдлагын төвийн Шуурхай удирдлагын хэлтэс /101, 105/-ийн ахлах зохицуулагч, хошууч Цогтбаатарын Баярбямба, Нийслэлийн Онцгой байдлын газрын ахмад ажилтан Цог-Осорын Нямдаш нарын 11 алба хаагчдыг “Онц гал сөнөөгч” тэмдгээр тус тус шагналаа. Мөн энэ үеэр Монголын Улаанзагалмайн нийгэмлэгийн “Нигүүлсэл мөнгөн медаль” -аар ОБЕГ-ын Улсын нөөц хүмүүнлэгийн тусламжийн газрын  хэлтсийн дарга, дэд хурандаа Н.Лхагвасүрэн, ГТТГ-ын мэргэжилтэн, хошууч Н.Хишигбаатар, “Шилдэг залуу” алтан медалиар ОБЕГ-ын ГУСГ-ын мэргэжилтэн, ахмад Г.Энхцолмон, тус газрын мэргэжилтэн, ахмад М.Ариунтунгалаг,  мөн газрын мэргэжилтэн, ахлах дэслэгч Ч.Наранцацрал, ЗУГ-ын мэргэжилтэн, ахмад Г.Ганчимэг, мөн газрын мэргэжилтэн, ахлах дэслэгч Д.Чулуунчимэг, тус газрын мэргэжилтэн, дэслэгч Д.Нацагдорж, мэргэжилтэн дэслэгч Г.Алтансүх нарыг тус тус шагнасан юм. Түүнчлэн  Монголын Сэтгүүлчдийн нэгдсэн эвлэлийн “Хэвлэл мэдээллийн тэргүүний ажилтан” тэмдгээр ОБЕГ-ын Олон нийттэй харилцах төвийн дарга, дэд хурандаа Б.Дуламсүрэнг шагналаа.


Ж.Батсайхан


Монгол брэнд