Сирийн асуудлаархи гурван талт яриа хэлэлцээг эхлүүллээ гэж мэдэгджээ

Дэлхийн мэдээ | Улс төр
ayanzaya@montsame.gov.mn
2018-07-18 10:45:35
ВАШИНГТОН. /ТАСС/. Израилийн аюулгүй байдлыг хангах хийгээд Сирийн асуудлыг хөндсөн гурван талт яриа хэлэлцээний идэвхтэй үйл явцыг Орос, Америк, Израиль улс эхлүүлж байна гэж АНУ-ын Ерөнхийлөгч Дональд Трамп сэтгүүлчдэд мэдэгджээ.  

“Бид Израилийн аюулгүй байдлын асуудлыг хэлэлцсэн. Ерөнхийлөгч Владимир Путин Сиритэй холбоотой асуудлаар, түүнчлэн Израилийн аюулгүй байдлыг урт хугацаанд хангах асуудлыг зохицуулах талаар Израилийн Ерөнхий сайд Биньямин Нетаньяхуг оролцуулсан гурван талт яриа хэлэлцээ хийх ихээхэн сонирхолтой байгаа” гэж Д.Трамп Хельсинкид болсон дээд хэмжээний уулзалтын дүнд тайлбар өгөхдөө хэлсэн байна.
Э.Аянзаяа 
Холбоотой мэдээ