Шатар сонирхогчид аваргаа шалгаруулав
ОРОН НУТГИЙН МЭДЭЭ | СҮХБААТАРМонгол Улсын Их хурлын даргын ивээл дор жил бүр уламжлал болгон зохион байгуулагддаг Шинэ үндсэн хуулийн өдөрт зориулсан шатар сонирхогчдын аймгийн аварга шалгаруулах тэмцээн Баруун-Уртад боллоо.
Аймгийн ИТХ, “Оюунлаг” шатрын клубтэй хамтран дөрөвдөх жилдээ зохион байгуулсан уг тэмцээнд Асгат, Халзан, Түвшинширээ, Онгон, Эрдэнэцагаан, Баруун-Урт сумын эрэгтэй, эмэгтэй 30 шатарчин оюун ухаанараа уралдсанаас Баруун-Урт сумын 1 дүгээр багийн шатарчин М.Отгонбаатар хоёр жил дарааллан түрүүлж, мөн Баруун-Урт сумын ахмад шатарчин Ж.Доржцэрэн, шатарчин Х.Өлзийбат нар дараах байранд нь шалгарсан байна. Харин эмэгтэй 5 шатарчинг Асгат сумын С.Ундрах тэргүүлжээ. Тэргүүн байр эзэлсэн шатарчдад Улсын аварга шалгаруулах сонирхогчдын шатрын тэмцээнд оролцох эрх олгожээ.
Г.Сүхээ