Иран, ОХУ бизнесийн хэлэлцээр байгууллаа

ДЭЛХИЙН МЭДЭЭ | ЭДИЙН ЗАСАГ
nyamtulga@montsame.mn
2015-12-22 11:48:37

ТЕГЕРАН. /IRNA/. Ираны нийслэл Тегеран хотын олон улсын үзэсгэлэнгийн танхимд гарсан ОХУ-ын Үндэсний үзэсгэлэнгийн үеэр хоёр улс эдийн засгийн хамтын ажиллагааны хоёр санамж бичигт гарын үсэг зуржээ.

ОХУ-ын Худалдаа, аж үйлдвэрийн сайд Денис Мантуров, Ираны Аж үйлдвэр, уул уурхай, худалдааны сайд Мохаммед-Реза Нематзеда нар хэлэлцээрт гарын үсэг зурсан байна.

Мөн комбайн үйлдвэрлэх технологи солилцох тухай хэлэлцээрийг хоёр улсын хувийн хэвшлүүд байгуулжээ.

ОХУ-ын Аж үйлдвэрийн “Худалдаа, аж үйлдвэрийн яриа хэлцээ: ОХУ болон Иран” үзэсгэлэн өчигдөр Тегеран хотын “Airshow” төвд нээлтээ хийсэн байна. Үзэсгэлэн энэ сарын 23 хүртэл үргэлжилнэ.

Ираны дэд Ерөнхийлөгч Сурена Саттари, ОХУ-ын Худалдаа, аж үйлдвэрийн сайд Денис Мантуров, “United Aircraft” корпорацийн ерөнхийлөгч Юрий Слюсарь, Калуга мужийн захирагч Анатолий Артамонов, ОХУ-ын Экспортын зээл, хөрөнгө оруулалтын даатгалын агентлагийн /ЭКСАР/ ерөнхий менежер Алексей Тюпанов, ОХУ-ын аж үйлдвэр, технологийн компаниудын 100 гаруй гүйцэтгэх захирлаас бүрдэх Оросын экспортыг дэмжих агентлаг болон мужуудын захирагчид гээд Засгийн газрын албаны болон нэр төр бүхий зочид, төлөөлөгчид арга хэмжээнд оролцсон байна.

Д.Нямтулга

 

Связанные новости