Цэргийн бүртгэл ням гарагт өндөрлөнө
МОНГОЛЫН МЭДЭЭ | НИЙГЭММонгол Улсын цэргийн үүрэгтэн, бэлтгэл офицеруудын ээлжит цэргийн бүртгэлийн үйл ажиллагааг маргааш дуусгавар болно.
Цэргийн бүртгэлд 18-50 насны эрэгтэйчүүд, 55 хүртэл насны дунд офицер, ахлагч, 60 хүртэл насны дээд, ахлах офицерууд хамрагддаг хуультай.
Цэргийн үүрэгтэн иргэд бүртгүүлэхдээ Иргэний үнэмлэх, Бэлтгэл офицерын үнэмлэх, Цэргийн үүрэгтний үнэмлэх /байхгүй бол хоёр хувь цээж зураг /, ажлын газрын болон оюутны үнэмлэхтэйгээ харъяа хорооны Засаг даргын ажлын байранд ажлын өдрүүдэд 08:30-19:00 цаг хүртэл, амралтын өдрүүдэд 10:00-18:00 цагийн хооронд биеэр очиж бүртгүүлэх үүрэгтэй.
Д.Өлзий