Хөгжлийн бэрхшээлтэй иргэдтэй харилцах арга зүй заав
ОРОН НУТГИЙН МЭДЭЭ | ТӨВТөв аймгийн төрийн болон төрийн бус байгууллага, аж ахуйн нэгж, иргэдийг "Хөгжлийн бэрхшээлтэй иргэдтэй харилцах эрх зүй" сургалтанд хамруулав.
1 сарын 21-нд тус аймгийн Зуунмод сумын Солонго цогцолборт болсон сургалтанд 50 гаруй хүн оролцож, хөгжлийн бэрхшээлтэй иргэдийн тухай суурь ойлголт, эрх чөлөө, харилцах арга зүй зэрэг сэдвийн хүрээнд "Түгээмэл хөгжил төв"-ийн багш нарын илтгэлийг сонсжээ.
Зуунмодод анх удаа болсон уг сургалтыг Төв аймгийн Хөгжлийн бэрхшээлтэй иргэдийн холбоо санаачилж, Засаг даргын тамгын газрын Нийгмийн хөгжлийн хэлтэс, Дэлхийн Зөн Монгол ОУБ-ын Төв ОНХХ-тэй хамтран зохиосон байна.
2014 оны мэдээгээр тус аймагт 2470 хөгжлийн бэрхшээлтэй иргэн,186 хүүхэд амьдарч буйгаас Зуунмодод 493 иргэн, 30 хүүхэд байдаг байна.
Ш.Шүрэнцэцэг