Ulaanbaatar
Беларусь Улсын Гадаад хэргийн сайд С.Ф.Алейник тэргүүтэй төлөөлөгчдийг хүлээн авч уулзав
МОНГОЛЫН МЭДЭЭ | УЛС ТӨР
Улаанбаатар, 2024 оны тавдугаар сарын 31 /МОНЦАМЭ/. Гадаад харилцааны сайд Б.Батцэцэг Бүгд Найрамдах Беларусь Улсын Гадаад хэргийн сайд С.Ф.Алейник тэргүүтэй төлөөлөгчдийг хүлээн авч уулзав.
Гадаад харилцааны сайд нар хоёр дахь удаагаа ийнхүү Улаанбаатарт уулзаж байгаа бөгөөд энэ удаагийн уулзалтаар Монгол Улсын Ерөнхийлөгч У.Хүрэлсүхийн урилгаар Бүгд Найрамдах Беларусь Улсын Ерөнхийлөгч А.Г.Лукашенкогийн манай улсад хийх төрийн айлчлалын бэлтгэл асуудлаар ярилцлаа. Уулзалтын үеэр талууд Беларусь Улсаас Ерөнхийлөгчийн түвшинд хэрэгжүүлэх анхны түүхэн айлчлалын ач холбогдлыг онцолж, айлчлал үр дүнтэй болно гэдэгт итгэж байгаагаа илэрхийлсэн юм.
Бүгд Найрамдах Беларусь Улсын Гадаад хэргийн сайд С.Ф.Алейник манай улсад өнгөрсөн гуравдугаар сард албан ёсны айлчлал хийж байв.
