Ulaanbaatar
ГОВЬ-АЛТАЙ: Зэвсэгт хүчний 341 дүгээр ангийн алба хаагчид тангаргаа өргөлөө
ОРОН НУТГИЙН МЭДЭЭ | ГОВЬ-АЛТАЙ
Есөнбулаг 2025 оны 11 дүгээр сарын 29 /МОНЦАМЭ/. Говь-Алтай аймгийн төв Алтай суманд байгуулсан Зэвсэгт хүчний 341 дүгээр ангийн анхны алба хаагчид 11 дүгээр сарын 29-нд цэргийн тангаргаа өргөв.
2016 онд Монгол Улсын Засгийн газрын тогтоолоор Барилга инженерийн цэргийн 341 дүгээр ангийг Говь-Алтай аймгийн Есөнбулаг суманд байгуулах шийдвэр гарч, Монгол Улсын Батлан хамгаалахын сайд, ЗХЖШ-ын даргын тушаалын дагуу 2022 оны зургаадугаар сард шинэ ангийн суурийг тавих бие бүрэлдэхүүн Алтай суманд хүрэлцэн ирсэн.
Тэгвэл 2025 оны хоёрдугаар ээлжээр тус цэргийн анги анхны цэргүүдээ угтан авч, Зэвсэгт хүчний 339 дүгээр ангийн сургалтын төвийг түшиглэн цэргийн сургалтыг зохион байгуулж эхэлсэн байна. Ийнхүү цэргийн алба хаагчид 11 дүгээр сарын 29-нд Зэвсэгт хүчний 341 дүгээр ангидаа тангараг өргөлөө.
