“Мongolia open-2016” маргааш эхэлнэ

МОНГОЛЫН МЭДЭЭ | СПОРТ
dusem11@yahoo.com
2016-03-04 14:01:31

Чөлөөт бөхийн ”Mongolia open-2016” олон улсын уламжлалт тэмцээнийг 6 дахь жилдээ Монголын чөлөөт бөхийн холбоо /МЧБХ/-ноос зохион байгуулж байгаа талаар хэвлэлийн бага хурал өнөөдөр Баянгол зочид буудлын “Хүндэтгэлийн танхим”-д боллоо.

Энэ сарын 5-6-нд Буянт-Ухаа дахь Спортын ордонд зохион байгуулна. Тус хэвлэлийн бага хуралд МЧБХ-ны ерөнхий нарийн бичгийн дарга О.Баянмөнх, Дэлхийн бөхийн нэгдсэн холбооноос тэмцээнийг удирдан байгуулахаар томилж ирүүлсэн, олон улсын шүүгч ноён Исао Окияма, МЧБХ-ны Шүүгчдийн зөвлөлийн дарга, тэмцээний ерөнхий шүүгч, олон улсын шүүгч Ц.Сэрээтэр нар оролцож сэтгүүлчдэд мэдээлэл өгөв.

Энэ удаагийн тэмцээнд БНСУ, БНХАУ-ын Өвөрмөнголын өөртөө засах орон, Индонези, Казахстан, Киргиз, ОХУ-ын Буриад, Тува, Якут улс, Кемерово муж болон хэд хэдэн хотын бөхчүүд хүрэлцэн ирээд байна. Тухайлбал, гадаадын 96, монголын 100 гаруй бөхчүүд ур чадвар, хүч чадлаа сорино. Манай нийслэлд ирээд байгаа газар газрын шилдэг бөхчүүдийн дотор дэлхийн хошой аварга Виктор Лебедев зэрэг алдартай тамирчид байгаа юм. Тус тэмцээний тэргүүн байр эзэлсэн тамирчинд 1000 ам.доллар, II байрт 700, III байрт 500 ам.долларын шагнал хүртээх юм.

Д.Өлзий

Related news