Ulaanbaatar
Денвер хотын төлөөлөгчдийг хүлээн авч уулзлаа
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Нийслэлийн Засаг
даргын Хөгжлийн бодлогын асуудал хариуцсан нэгдүгээр орлогч Ж.Батбаясгалан
АНУ-ын Денвер хотын төлөөлөгчдийг өнөөдөр хүлээн авч уулзан, хоёр хотын харилцаа, хамтын ажиллагааг бэхжүүлэх талаар санал солилцлоо.
Уулзалтад нийслэлийн
Засаг даргын зөвлөх М.Мэнд-Очир, НЗДТГ-ын Гадаад харилцаа, хамтын ажиллагааны
хэлтсийн дарга Д.Чинзориг, Монгол Улсын Өргөмжит консул, Денвер-Улаанбаатарын
Эгч дүүс хотуудын зөвлөлийн тэргүүн Жэймс Вагенландер тэргүүтэй төлөөлөгчид
оролцов.
Нийслэлийн Засаг даргын Хөгжлийн бодлогын
асуудал хариуцсан нэгдүгээр орлогч Ж.Батбаясгалан “Улаанбаатар Денвер хот 2001 онд ах, дүүгийн
харилцаа тогтоосноос хойш найрсаг хамтын ажиллагаа өргөжин тэлж байна.
Манай хотын захиргааны зүгээс мэргэжилтнүүдийнхээ ур чадварыг дээшлүүлэх,
иргэдэд үзүүлж буй үйлчилгээг сайжруулах зорилгоор Денвер хотод богино
хугацаанд дадлагаар ажиллуулж, туршлага солилцох хүсэлтэй байна. Цаашид хоёр
хотын харилцаа, хамтын ажиллагааг бэхжүүлж, олон салбарт хамтран ажиллахад
таатай байх болно” хэмээлээ.
Денвер хотын төлөөлөгчид ирэх сард хотын Захирагчийг албан ёсны айлчлал хийхийг уриад, хоёр хотын захиргааны ажилтнуудыг туршлага солилцох, богино хугацаанд дадлагажуулах асуудлыг бүрэн дэмжиж байгаагаа илэрхийлэв.
