“Huawei” ухаалаг гар утасныхаа үйлдвэрлэлийг бууруулна

ДЭЛХИЙД | ТЕХНОЛОГИ
Jargal.d@montsame.mn
2021-02-22 16:58:41

БЭЭЖИН. /Nikkei/. Хятадын “Huawei” компани 2021 онд үйлдвэрлэх ухаалаг гар утасныхаа эд ангийн захиалгын хэмжээг 60 хувиар бууруулжээ. Энэ тухай “Nikkei” сонин салбарын эх сурвалжаас иш татан мэдээлэв.


Тус сонинд мэдээлснээр, Huawei компанийн захиалга 2021 онд 70-80 сая ухаалаг гар утас үйлдвэрлэхээр төлөвлөж буйг харуулж байна. Хятадын ухаалаг утас үйлдвэрлэгч тус томоохон компани өнгөрсөн онд 189 сая ухаалаг гар утас гаргажээ. Үүнээс харахад энэ жилийн үйлдвэрлэлийн хэмжээ 60 гаруй хувиар буурахаар байна.


АНУ-ын Засгийн газраас тус улсын үйлдвэрлэгчидтэй хамтран ажиллах боломжийг нь хязгаарласнаас хойш буюу 2019 оноос хойш “Huawei” компани ухаалаг гар утас үйлдвэрлэхэд бэрхшээлтэй тулгарч байгаа юм. 2020 онд “Huawei”-д тавьсан хоригийг өргөжүүлсэн нь зарим чухал чипийг худалдаж авах боломжгүй болгожээ.


Related news