Ширээний теннисний спортоор аймгуудын АШТ Орхон аймагт болно
МОНГОЛЫН МЭДЭЭ | СПОРТУлаанбаатар /МОНЦАМЭ/. Ширээний теннисний спортоор 21 аймгийн аварга шалгаруулах тэмцээн 5 дугаар сарын 6, 7, 8-нд Орхон аймгийн Спортын ордонд болно.
Ширээний
теннисний спортыг хөгжүүлэх, сурталчлах, тамирчдын арга барил, ур чадварыг
сайжруулах, харилцан туршлага солилцох, хамтын ажиллагааг дэлгэрүүлэх зорилготой
уг тэмцээнд аймаг тус бүрээс эрэгтэй, эмэгтэй 1 баг оролцох юм байна.
Энэхүү
тэмцээнд тэргүүн байр эзэлсэн эрэгтэй багт 800 мянган төгрөг, алтан медаль, 2
дугаар байрт 600 мянган төгрөг, мөнгөн медаль, 3 дугаар байрт 400 мянган
төгрөг, хүрэл медаль гардуулна. Харин тэргүүн байр эзэлсэн эмэгтэй багт 500
мянган төгрөг, алтан медаль, 2 дугаар байрт 300 мянган төгрөг, мөнгөн медаль, 3
дугаар байрт 200 мянган төгрөг, хүрэл медаль хүртэх юм.