“Долоогийн бүлэг”, НАТО-гийн удирдагчид Оросын эсрэг шинэ арга хэмжээний талаар хэлэлцэнэ

ДЭЛХИЙД | УЛС ТӨР
khulan@montsame.gov.mn
2022-06-23 10:35:25

БЕРЛИН. /DW/. Удахгүй Европт болох “Долоогийн бүлэг”, НАТО-гийн удирдагчдын дээд хэмжээний уулзалтуудаар Орост шахалт үзүүлэх шинэ саналуудын талаар хэлэлцэнэ.


“Бид Орост үзүүлэх шахалтыг нэмэгдүүлэхийн тулд тодорхой багц саналуудыг гаргах болно” гэж АНУ-ын өндөр албан тушаалтан сэтгүүлчдэд мэдээлсэн байна.


АНУ-ын Ерөнхийлөгч Жо Байден Германы Бавари мужид энэ долоо хоногийн амралтын өдрүүдэд болох “Долоогийн бүлэг”-ийн дээд хэмжээний уулзалтад Их Британи, Канад, Франц, Герман, Итали, Японы удирдагчдын хамтаар оролцоно.


Түүний дараа Ж.Байден НАТО-гийн дээд хэмжээний уулзалтад оролцохоор Испанийн нийслэл Мадрид хотыг зорих ажээ. 

Related news