Ulaanbaatar
ХӨВСГӨЛ: Барут Марк хоттой ойн менежментийн чиглэлээр хамтран ажиллах хүсэлт хүргүүлнэ
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Хөвсгөл аймгийн Мөрөн сум ХБНГУ-ын Барут Марк хоттой хамтын ажиллагаа өрнүүлсэн 10 жилийн хугацаанд Мөрөн суманд 7 төсөл хөтөлбөр хэрэгжүүлж, 1,6 тэрбум төгрөгийн хөрөнгө оруулалт хийсэн байна.
Цаашид Мөрөн суманд хөдөө аж ахуйн болон ойн менежментийн тодруулбал, хотын ногоон байгууламж нэмэгдүүлэх замаар хотын эко системийг сайжруулж хөрсний бохирдол, тоосжилт, агаарын бохирдлыг бууруулах чиглэлээр хамтран ажиллах хүсэлт уламжлахаар боллоо.
Энэ ажлын санал дэмжигдвэл Мөрөн сумын ЗДТГ, “Мөрөн хот
тохижилт үйлчилгээний төв” ХХК, Хөвсгөл аймаг дахь Политехникийн коллеж хамтран
стандартад нийцсэн мод үржүүлгийн дадлагын талбай байгуулах, 4 улирлын өвлийн
хүлэмж барих, цаашид Мөрөн сумын ногоон байгууламжид тарих гоёл чимэглэлийн мод
бут үржүүлэх тарьц суулгацыг нэмэгдүүлэх чиглэлээр төсөл хэрэгжүүлэхээр
төлөвлөж байгаа аж.
