Улаанбаатар
СЭЛЭНГЭ: Битүүлэх гэдэг нь буурал жилийн отголох өдрийг тэмдэглэхийг хэлдэг
Сүхбаатар, 2025 оны хоёрдугаар
сарын 28 /МОНЦАМЭ/.
Битүүлэх гэдэг нь билгийн улирлын cap
бүрийн 30-ны өдөр тэнгэрт cap үл үзэгдэх битүү харанхуйгаас үүдэн буурал жилийн отголох
өдрийг тэмдэглэхийг хэлдэг
байна.
Монголчууд өвлийн адаг сарын сүүлийн өдөр
битүүлдэг уламжлалтай.
Энэ өдрийг тусгай зан үйлээр үддэг. Мөн хүнээс зээлсэн мөнгө, зоос, эд мал байвал даруйхан
эргүүлэн өгөх, хэрэлдэж эв түнжин эвдэрсэн хэн хүнтэй зориуд уулзаж эв эеэ засдаг ёстой юм.
Битүүний өмнөх өдөр айл болгон
бурхан шүтээнээ тахин, гэр орныхоо тоос шороог гүвж, хог буртгийг цэвэрлэдэг. Энэ өдөр эмэгтэйчүүд
нь идээ цагаагаа бэлдэж харин эрчүүд нь хүлэг морьдоо барьж хур дэлийг нь засаж бэлддэг уламжлалтай.
Битүүний орой өрхийн тэргүүлэгч
гэрийнхээ баруун тотгоны дээр цагаан чулуу тавьж, сахиусуудын орох үүдийг
нээдэг жамтай. Мөн зүүн тотгоны дээр
өргөс, харгана, шарилж тавьж муу зүгийн ад зэтгэрийн хорлолыг хөөж буцаах үйл үйлддэг байна.
Ингээд шинэ сайхан хувцсаа
өмсөцгөөн гал, бурхандаа дээж өргөөд дараа нь битүүлдэг ховор уламжлалтай ард түмэн бол Монголын ард түмэн юм.
