БНХАУ-ын аялал жуулчлалын салбарын орлого ихээхэн нэмэгджээ

ДЭЛХИЙН МЭДЭЭ | НИЙГЭМ
khulan@montsame.gov.mn
2019-02-11 12:28:18

БЭЭЖИН. /Xinhua/. Хаврын баярын амралтын үеэр БНХАУ-ын дотоодын аялал жуулчлалын салбарын орлого 513.9 тэрбум юаниар нэмэгдсэн нь өмнөх оныхоос 8.2 хувиар өссөн тухай тус улсын Соёл, аялал жуулчлалын яамнаас мэдээлэв.


Өнгөрсөн ням гарагт дууссан хаврын баярын долоо хоногийн амралтын үеэр БНХАУ даяар хийгдсэн аяллын тоо 415 саяд хүрсэн нь өнгөрсөн оны ижил үзүүлэлттэй харьцуулахад 7.6 хувиар өсжээ.


Соёл, аялал жуулчлалын яамны харьяа институцын явуулсан судалгаанаас үзэхэд нийт аялагчдын 40 орчим хувь нь музейнүүдийг үзэж сонирхсон байсан аж.


Өнгөрсөн оны Хаврын баярын үеэр дотоодын аялал нь 475 тэрбум юаньтай тэнцэх хэмжээний орлогыг аялал жуулчлалын салбарт оруулж байжээ. 

Холбоотой мэдээ