Хүүхдийн сэвлэг үргээх болон үс засуулахад тохиромжгүй

Монголын мэдээ | Лавлагаа
bolor@montsame.mn
2019-03-08 08:48:35

Улаанбаатар /МОНЦАМЭ/. Өнөөдөр аргын тооллын 2019 оны гуравдугаар сарын 8. Баасан гараг. Билгийн тооллын XVII жарны “Урвуулагч” хэмээх шороон гахай жилийн Хаврын дунд улаагчин туулай сарын 2. Сугар гараг. Могойг хүлэгч одтой, есөн улаан мэнгэтэй, хөх луу өдөр.  

Барилдлага: Идэр   

Шүтэн барилдлага: Нэр өнгө 

Суудал: Гал 

Өдрийн наран 7 цаг 19 минутад мандан, 18 цаг 45 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, гөлөг тэжээхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Модон хохимой өдөр. Хүүхдийн сэвлэг үргээх болон үс засуулахад тохиромжгүй хэмээжээ. 

Холбоотой мэдээ