Улаанбаатар
Аймгийн гадаргын ус бохирдолгүй, цэвэр гэж гарчээ
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Архангай аймгийн Байгаль орчны шинжилгээний лаборатори нь гадаргын усны хяналт-шинжилгээний хөтөлбөрийн дагуу Өгий нуур- Өгий нуур, Тэрхийн цагаан нуур -Тариат, Урд тамир дээд, доод хяналт-шинжилгээний цэгээс усны сорьц авч, нийт 4 сорьцонд химийн найрлага, чанарын үзүүлэлтүүдийг тодорхойлжээ. Архангай аймгийн гадаргын усны чанарын есдүгээр сарын хяналт-шинжилгээний дүнгээс Өгий нуур, Их тамир-Хойд тамир, Урд тамир дээд, доод хяналтын-шинжилгээний цэгүүдийн орчмын ус органик бодисын болон эрдэс азотын бохирдолгүй цэвэр гэж гарчээ.
Тухайлбал, Өгий нуур-Өгий нуур Нуурын хяналт-шинжилгээний цэгээс усны сорьц авч химийн найрлага, чанарын үзүүлэлтүүдийг тодорхойлоход нуурын усны орчин рН=8.75 буюу шүлтлэг, эрдэсжилт 586,8 мг/л буюу их эрдэсжилтэй буюу өмнөх сартай харьцуулахад бага зэрэг буурсан байна. Усны хатуулаг 1.79 мг-экв/л буюу зөөлөн устай байжээ.
Тэрхийн цагаан нуур -Тариат Нуурын усны хяналт-шинжилгээний дүнгээс
үзэхэд нуурын усны орчин рН=7,94 буюу сул шүлтлэг, эрдэсжилт 120,9 мг/л буюу
бага эрдэсжилтэй, усны хатуулаг 0.62 мг-экв/л буюу маш зөөлөн устай байв. Усан
дахь хялбар исэлдэх органик бодис болон эрдэс азотын агууламж нь стандартаас давсан
бохирдолгүй, нуурын ус цэвэр байсан байна.
